النعاس الفرجاني
الـــمـــديــر الـــعـــــام
المشاركات : 233
تاريخ التسجيل : 15/07/2009
العمر : 34
الموقع : ليبيا
 | موضوع: نا ياصقر  الخميس فبراير 18, 2010 1:58 am | |
| هذهى قصئدة من اختيار اراوى عادل بوشليف
وهذهى القصئدة للبوبكر رابح
من منطقة اجدابياء وناله علية جائزة قيمة
انشالله تكون قصئدة فى محله
نا والصقر خذناها حكايه فى ميعاد ليلة فى خفا
قاعد فوق مركازا حذايا طول الوقت ما لحضه غفا
برمز كلام شاكيتا بدايا معاي انهال وبهما شكا
ياس طويل م لاشى نهايه مطرا كيف مطرايا حكا
قال عبرت وماعندي درايه برماكين باتوا ف الخلا
يرجوا فى عبيوا به عبايا ما يبيه كلتم خذا
الموسم حان وتولى اوتايا سيارات كي فرق القطا
لاندكروزر يافيها مزايا صنعة قو صانعها اسطا
ف التشبيه تنظرها قطايا جت من وين راميها ضما
تشق الرمل وتخش الحطايا رفيقة بر رفقتها هنا
بكشافات دارلها ضوايا بلاد تبان من بعد المدا
جميع اوتاه واخذ بالكفايه لها سواق واقظ للوتا
دروب الوطن قاريهن قرايه بلون القز يخبر فالوطا
كم رقراق واوطانا حفايه فات عليه بدري ف الضحا
وان جاه الليل ما داربا عنايه بنجم الجدي فى عيارا مشا
معاه اصحاب وعقولهم ملايا خذوا كم يوم فى قيس الصلا
مايبوش ردتهم كبايا قالوا ليش هالمره بطا
ونا روحت حايم فى سمايا صلاه ع الزين لنظارا بدا
فيسع فز فارحبا لقاى نيسي فج فى طرفى رما
عليه نزلت ضميتا معايا نكابر ليش رامينى ضما
قلت نروق ونبرد ضمايا مانحساب نوقع فا لخطا
تحلف غير مطلوبه جنايه وين حصلت ما والى نها
باسباقات دقولي رسايه والكمبيل لعيونى غطا
مبسوطين تموا بي زهايا ونا منضام فى حاله كدا
مقتنعين ردوا بي هنايا خير وفير والموالى عطاء
وين اوصلت دارولى دعايا كم ميعاد بخبارى حكا
وساهل تم ع الشارى اشرايا جيت بلاش بياعى رخا
هديت ود من ضمن الهدايا بقول افلان لفلين هدا
[ندعوك للتسجيل في المنتدى أو التعريف بنفسك لمعاينة هذه الصورة]
صقر وسمح فى صدرا مرايا اجاود بي واشغالا قضا
وجتنى ناس ماتعرف عنايا عليك زمان يوحى بالفنا
وفعلا فيه من عند هوايه بى وفى مايرضى صغا
وهو يلاى ما ننظر سوايا صاحب قدر ويشيل العنا
كان امرضت يشقابا دوايا يفهم فى وسرارى قرا
راجل زين يستاهل ثنايا يحسب فى بحساب الضنا
طول العمر وافى كى اوفايا عهد امعاه منى ع الوفا
وفيه اوحود تم هم اعدايا يامولاى ياخالق السما
وخلقت الشمس وجبالا علايا وخلقت اغيوم تاتينا بما
دعيت بجد تستاجب ادعايا انعنهم ماعنده ضرا
ايجيبهم ضيم ويعيشو هتايا عيشة قهر مى عيشة زها
وان صار الصيد نتركن رمايا كم دوار ما ينضر نجا
ولكن تو ممنوعه الغايا ايام العز ردنلى شقا
عايش غصب بين اربع زوايا بيت ارباط بزارى بنا
ع الوهام مطاول جفايا ناوياك فى الحاله سوا
رد على شاركنى شقايا واحكى كيف موالك جرا
وكيف رزاك بوسالف ثنايا وقتلى غاب ومعاه الدوا
نا ياصقر نرجى فى عنايا عليهم ياس بحكامه طغا
مشو بالسر سابولى وصايا ايجى ميعاد ويعود الغلا
صبرى فض واطاول رجايا وللى زمان ماجانى نبا
نسعى غير موجايب اسعايا على الوقت بهمومه طوا
م الياسات موباين نجايا وذيب فلاس فى وطنى عوا
اخساره دمع موجايب ابكايا انال امفيت من جرا عما
كميت الغيض وجروحى برايا وجمر الشوق من مده طفا
ارضيت الوضع ومسلم الريا حاصل بين رفات الرحا
ولكن وين مدعاهم تهايا قفزت اتقول ناشلنى ارشا
استعينو برائكم
| |
|
purelove
الــمـشرفـة الـعـامـة
المشاركات : 78
تاريخ التسجيل : 19/08/2009
العمر : 31
| | موضوع: رد: نا ياصقر الخميس مارس 25, 2010 4:41 pm | |
| طول العمر وافى كى اوفايا عهد امعاه منى ع الوفا
مشاركة حلوه منك ..
شكـــراً خوى النعاس
| |
|
