مازلت نا هو نا

مــــــــازلت نـــاهونــــــــــا
[size=21]لشاعر.درنة ..عـبدالحمـــيد بطــاو

احد شعراء الفصحة و العامية عاش حياته رفضا المجاملة والمسايرة والمهادنة

أو الموافقــــة على تبني موقـفا ضــد قنـاعاته أومجاملة ومسايرة شخص لاأستسياغه

مهما كانت المكاسب براغم من ضروفه المادية الصعبة

هذه القصيدة كانت مشاركة منه في هذه الملحمة التى شارك فيهااكــثرمن شــاعر

..نرجو ان تنال اعجابكم..

ماننحـــني مـازلت ناهـــــونــــــا........امشاكس ومانسكت ان ريت خـــطا

ومـــــــازلت مــــاغــــــــــــيرت..........حتى بعد قصرن اخـطـاى اكــــــــــبرت

لامشيتى بــدلت لاســـــــــــــقرت......ولاضـعفت كى زاد الزمان جـفـــــــــا

ولاعن طـريقيي تهت لاعوكـرت...........ولاقـلت ماالياسات باللــى جــــــــــــا

ولامن غلط بين العرب دنقــــرت..........ولايـوم فوق رأسي سفـيت أغطـــــــا

ولامع الغوالي بالجــفابـــــــــادرت.......ولاتبان لي كشــره ان ضيـف لفـــــــا

ولانقول للجافي عليش هجــــــرت.......ولانلـوم لانعـتب عــليه أن جـــــــــــا

ويــاما علي هول الزمـان صـبرت..........وعازيت لى مايفـيد فــيه عــــــــــــزا

ولايوم عمرى للجميل نكرت.......... مجــبول عالـــوفــــــا

مــــازلت نـــاهونــــــــــــــــــا

مــازلت فــــى مــــــــــــــــــوالـى........شــايل أهمــوم الناس قــبل وتـــــالى

وماننــخدع وسـط البساط الخـالى.........ان ريت الســراب انقول بلكـى مـــــــا

ومايخــف بوقى بوقرون مــدالى.............نترك غـلاه ان ريت فـــــيه صــــغـــــا

ويامـا هجــرنا من اعزاز غـوالــى............بعدعاملونا بغطرســــــه وجـــــــفــــــا

موش نااللى نرخص على دلالـى..........نزيدضعف كان سوم الاصحــاب رقــــا

ولانهــين صاحب لانعادى والى.............الناس كلهم وقت الحساب ســـــــــــــــوا

ومايوم فى مـينا ربطت احــــــبالى.........وقــف مركـبى لاعــاد مشى لاجــــــــــا

ومعــروف بين الناس قبل وتالـى......... بطــيب عشــــــرتـــى

مــازلـت نــاهونــــــــــــــــــا

مـــازلــت مــابطـــــــــــــــــلت..........ومـازلت نسـعى لغايتى ماوصــــــــــــلت

ومــازلت لى نبــيه ماحصــــلت..........مع الياس عندى في الكريــم رجــــــــــــا

حتى ان زمـانى مـال نا ما مـــلت ..........واقـف على حــوضى بعقـاب عصـــــــــا

ومـايوم عمـرى لصاحبى جاملت.........انقوله أخطيت ان كـان دارخطــــــــــــــا

ولايـوم عمرى لكـلمتى بدّلــت............ولاقـلت من العوســج يصير نمــــــــــــــا

ولاانضـاق بى الحال قلت اوحلت..........صــيورها ان ضاقت تعــود رخــــــــــــــا

واجــد دلانى هالزمـان ذبـــــلت..........ولا قــلت أيوه أن كـان تلــــــــــــــــزم لا

ولافى طـباعي لنت لاعــــــدلت ............أنشـــيل العـــــــــــــــنا

مـــــازلت ناهـــونــــــــــــــــــــا

مــــازلت فــى ترتـــــــــــــيبي..........لانخـيب لانغلط ومــاســـــــك عـــــــيبي

خفّــن غراضى كيف فتّـق شيبي.......ورينــــا صـــغا واجــد وريت زهـــــــــــــا

ضــعفن أعيونى مانفع تطبيبى...........للكـــبر وما عـــطار جــــــــــــــــــاب دوا

صـابروراضـى بقسمـتى ونصيبي.......ولي عـزم كـان وقتى علــى قســــــــــــــا

زايـدعلى راقـدالريح نحـيــبـى ............أنشـوف حالته نكمـل عليــه أبكـــــــــــــا

نحس بالكرم ونهم نلقى جيبــــى .......فــارغ ايصفــر ماعلــيه أعبـــــــــــــــــا

أيرق عـزم صوان الجبال سريبي..........ونــا أنقول هــانت مافقــدت رجــــــــــــا

حتى ان زمــانى جــارفي تقليبي.........وزادالشــــــــــــــــقا

مــازلت نـــاهــونــــــــــــا

مـــازلت قــــاعـد راكـــــــــــــن........ راتب ضمـــان وحوش بـــاني وســــــاكن

أمهـوط وقاعدفي ذرا غيرلكــــن.........أنجيت في علل مانقــول ماني نــــــــــــــا

ومايهمـنى اللى طاح واللى ماكن........ولا أنخاف كان قـــالواالحســـــــــاب بـــــدا

ولايغرنـي كـذاب مهمـا راطـــن...........شى يفـيد كى يموت المـــــــــــــــــريض دوا

ومايفيد يبقن واجـدات معــــاطن..........ونمــوت مالظـما ما أهناك فيهــن مـــــــــــا

ومايفيـد غـافل فى الزمان وفاطن........ولا أهنــاك من يقـدر يرد قضــــــــــــــــــا

ومامن عــوالى في الوطاه تواطن ........لايــدوم ضــيق ولايــدوم رخــــــــــــــــــا

حتى ان كان في كبرى أخطاى تخاطن...... عنـــــد الفـــــــــــــــــزع

مــــازلت نــاهــونــــــــــــا

تحياتى للجميع

[/size]

تسلم خوي النعاس

نقلة رائعة جدا واعدك اذا اسعفني الوقت سانقل الملحمة كاملة

تقبل تحياتي