رسايل من صنوق الوارد

السلام عليكم ورحمة الله وبركاته

لاحظت ومن خلال تصفحي للرسائل قلة الرسائل الليبية بالمنتدى فاحببت ان اشاركم ببعض منها
من رسائلي الخاصة بهاتفي.

*****

ياما بكت بدموع
وياما على لولاف درات نوح
وياما رجت غير الرجاء مقطوع
العين في الغوالي طايلة عازتها
ياما بكت يومتها
واللي ما انجرح جرحها يضحك على بكيتها ...

*****

أحترنا فيهم !
عدو جافو هانوا عزيز عليهم
الا القلب كيف الطفل بين ايديهم
كيف الغوالي يكسروا خاطرنا
تو يرجعو ويرايفو لماضيهم ،،، ونحاولو النسيان كان اقدرنا
حرنا أحترنا والجفا حيرنا ،،،غوالي جفو وأحنا خطأ ما درنا

*****

لطيفة قالت ( دللتني زهيتني واخر طريقي أمعاك وسط الطريق خليتني )
والشاعر قال :
دللتك صحيح وفالغلا زهيتك
اخطيتي نصحتك مانفع خليتك

*****

اصالة قالت ( يامجنون مش أنا ليلى )
والشاعر قال : اسمك اصالة والجمال جميلة ومجنون بيك وعارفك مش ليلى
بك مجنون وعارف انك مانك اللي من دون شقراء وجميلة وفيك سود اعيون
تيارك قوي جارف جرفني سيله

*****
ويش السبب ماقابلاتك عيني ،، مشغول والله بالزعل ناسيني ،، وين ادرياك ،،
اغيابك شغلني مالقيت اخبارك ،، من قبل ديما كاثرات اعذارك ،،، ونجاملك
ونقول بكرا اتجيني ،،،
غير اسمعني ،،
مجروح منك خاطري واجعني ....

*****

طالب الله يبقى المانع خير ...
اريافي عليكم يا عزاز كبير...
علينا غبتو لا اللي وصل مرسال لا كلمتو ...
فكري انشغل واجد البال شغلتو ....
كملت ليلي في شقا وتفكير ....
زعم ناويين الهجر ماعبرتو ...
نسيتو غلا غالي بلا تفسير ...

*****

عندي لها ميعاد تأخذ الليل ودمعها بداد العين من البكاء ..
لها تكسيده من ساعة غروب الشمس للتهميده ..
الناس نايمة ونا نقول بعيدة ، ونا حسبت ننساه غلاه زاد

*****

حاولت ننسى ما لقيت عزايم ..
يامصعب النسيان عاللي هايم ..
حاولت ننسى غرورك ونبعد عليك ونتركك لشعورك ..
لكن حنيني شالني لبحورك ..
ولقيت نفسي في غريقك عايم ...
صعب نسيانك وصعيبة علي غيرك ايجي في مكانك ..

*****

عيون جميلة حلال حلو مانحاول اندير بديلة مهما جرا...
عيون وبسمة وطلة كما ورد الربيع و نسمه ...
وانتي القمر مقسوم منك قسمة ....
انتى مستمره وهو ايجي في ليله....
ما هناك كيفك في الطبيعة رسمه ..
حتى البحر بحذاك ينقص كيله ...

اتمنى ان تنال اعجابكم

دمتم بخير وسلام

[ندعوك للتسجيل في المنتدى أو التعريف بنفسك لمعاينة هذه الصورة]

[/size][/size]

رسائل صقع والله ..
منور والله النعاس...
سلامى ...purelove

تسلم علي الرسائل الحلوة

مشكووووووووووووووووووووووووووووووووووووور

مشكور خالد

» رسايل ليبية جديد++++++++جديد