(())())**مــنتــديــات لــيـبــــيــا اولأ**(())(())
السلام عليكم

مرحبا بك اخي الزائر

نتمنى منك التسجيل معنا اذا اردت المشاركة

او اذا كنت عضو معنا فتفضل بـ تسجيل الدخول

مع تحيات


إدارة منتديات شباب 17 فبراير



(())())**مــنتــديــات لــيـبــــيــا اولأ**(())(())

منتدى ليبي ... من كافة بقاع الوطن الغالي ...
 
الرئيسيةالبوابةالتسجيلدخول

شاطر | 
 

 حوار بين النسيب ونسيبته.علي دبوب

اذهب الى الأسفل 
كاتب الموضوعرسالة
قمينس
عضو جديد
عضو جديد


المشاركات : 29
تاريخ التسجيل : 23/08/2009
انثى

مُساهمةموضوع: حوار بين النسيب ونسيبته.علي دبوب   الإثنين أغسطس 24, 2009 11:13 pm


بسم الله الرحمن الرحيم

اخوتى اخواتى اليوم سوف اكتب لكم هذة القصيدة وهى ليبية ونرجو من الله ان تنال اعجبكم
اختكم حوار بين الشاعر ونسيبته للشاعر علي دبوب
××××××××××××××××××××××

الشاعر
شن درتلك يا نسيبتى كرهتينى .. فى الراس حطيتينى .. بعد المحبه ليش عاديتينى

شن درتلك من سيه .. وشن درتلك من عيب ردى عليا

متغيره لقيتك ومش عادية ..علقتى طوارى وين ماشفتينى

انا جيت نبى انردها البنيه .. وقبل انتكلم طول سكتينى


النسيبة

اسمع كلامى فسرا مدلولا .. انا رضيت بيها نسبتك مهبولا

وحرام لى شكلك بنتنا نعطولا .. بنتى معاك فى حال مايرضينى

انا رميتها فى غوط خالى سبولا .. ومالقيت مرا حالها يزهينى


الشاعر

وانا عليا بالهجوم بديتى .. ومسرع معايا فى الكلام حميتى

مانيش غالط كيف ماظنيتى .. حكمتى عليا غلط وظلمتينى

غير ليش منها نسبتى مليتى .. انتى عارفا بلحال وقبلتينى


النسيبة

قبلت غصبن عنى .. الله يسامحا الشايب اللى خبلنى

وجت طيح تانى فيك ماتفهمنى .. انقول برا ايسار تمشى ايمينى

بنتى معاك فى حال ماطمنى .. وديما عليها خاطرى مشقينى

الشاعر

بنتك معايا فى هنا وسعاده .. وتضحك وتلعب دوم كيف العاده

واللى نقصها انوفرا في ميعادة .. وشنهو نقصها وضحى ورينى

والخير ديما انشاء الله فى زياده .. مادام نخدم بى عرق جبينى


النسيبة

بنتى معاك سنين شن درتلها .. وقداش مرة اتات غيرتلها

رابش عقاب كريهبا شريتلها .. الدخان من الماطور يب يعمينى

انا عارفا للفقر بتوصلها .. يصعب عليا حالها يبكينى


الشاعر

بنتك معايا مااختصت حاجه .. وماهيش زيك عنكد لواجا
ولا ناقصه لاغاز لاثلاجه .. وقداش من دولاب مالى ادراجا ..ونوضى انشديها كان كذبتينى


النسيبة

عيشة الله العازا .. شوف اختها اللى عايشها ممتازه

حتا الهاتف غيرت جيهازا .. ولت على النقال بتحاكينى

واشبح عديلك خاشها درازا .. رصيد بدولار واسترلينى

ماهوش زيك حالة محتاجة .. وديما جيوبا خاليا ملاقينى


الشاعر

توا معايا راك عفنتيها .. وماعاد حتا دوتك نبيها

وكان الوليه معاى بترديها .. نبى جوابك مختصر تعطينى

وماهو عليا حملتك ترميها .. وبكل كلمة قاصدا اتهينينى


النسيبة

لوكان توصل للقمر مشوارك .. محال بنتى انردها لى دارك

يالله ادردح ولتها بصغارك ..وماعاد وجهك شبحتا اتورينى

مليت منها نشفتك وقحارك .. بنغلط معاك انكان مش خاطينى

الشاعر

انتى غالطا والغلط فوتى حدا .. مادام لى بيتى نويتى هدا

انتى حرام حتا فيك كلمة جدى .زمادام ليه الصلح صديتينى

الموضوع للقانون نبى انردا .. والمحكمة بيناتنا اتصافينى


النسيبة

خوفتنى ضنيتك .. ومانى نسيبا انكان ماقديتك

تندم عليها عملتك خ**** .. مادام للقانون بت مشينى

وبالك احسبت انخاف من شخصيتك .. عند معاى انكان متحدينى


الشاعر

انا عارفك منقوبا ..قليلة الخير وشيرتك مدهوبا

والشر ديما تبحتى على دروبا .. ولايوم من الايام ريحتينى

من يوم ريتك عيشتى منكوبا .. وياريت معرفتك ولا عرفتينى


النسيبة

مسؤول عنها كلمتك هاذيه ..انا الاولى بندير فيك قضيه

ونقولهم هالشخص غالط فيا ..ولاوسط بيتى جاى متعدينى

ودنبى عطيتا بنت ماهى اشويا .. حتا فلون عيونها زرقينى

بيضا طويلا كيف الالمانيا .. وشوفو عليها كيف بى جازينى


الشاعر

انا عارفك مدعيا .. وفى الخبت ليك افكار شيطانيا

وفى الكدب ديما فالحا فنيا * نبنفضحك لناس خليتينى

قلتى عطيتك كيف الالمانيا .. وانتى بلوحا معوجا حدفتينى

ورضيت بى قسمة الله عليا .. وناصيب لى هلهول بى داعينى


النسيبة

شنهو لشكلك عاجبا فى روحا .. مادام بنتى وصفتها بى لوحا

فى الفقر عايش ماك فى بحبوحا .. ووجهك يبّشر بى هموم سنينى

انا قريب نشبح جبهتك مفتوحا .. لوكان ماتمشيش وتبارينى

الشاعر

انا قبل نمشى انقولك مانخبى .. يا غالطه بينى وبينك ربى

مادام عكسى فى الطريق ادبى .. وما دام هكى ناويا اتضرينى

الله يجعلك بى طانطا تنقبى .. ولا بجلطا فيك تب ترزينى

وحرام حتا جنازتك مانصبى .. بديتى نسيبة نحس ماتهمينى

الرجوع الى أعلى الصفحة اذهب الى الأسفل
النعاس الفرجاني
الـــمـــديــر الـــعـــــام
الـــمـــديــر الـــعـــــام


المشاركات : 233
تاريخ التسجيل : 15/07/2009
العمر : 28
الموقع : ليبيا
ذكر

مُساهمةموضوع: رد: حوار بين النسيب ونسيبته.علي دبوب   الإثنين أغسطس 24, 2009 11:58 pm


عليك الواعرة

شكلة عايشة عيشت قهر

هدى عارفه ماترد ال ابسيارة كامري+نقال رصيد بلفاتورة+فيلأ+الاهم غير شكلك

او يالله تابالك

شكلهم كانو طايحين على روصهم وقت نسبتهم

هههههههههه

_________________
[ندعوك للتسجيل في المنتدى أو التعريف بنفسك لمعاينة هذه الصورة]
,,,,,,,,,,,,,,,,,,,
الرجوع الى أعلى الصفحة اذهب الى الأسفل
http://n8601052.yoo7.com
مرعي الشهوبي
عضو جديد
عضو جديد
avatar

المشاركات : 42
تاريخ التسجيل : 21/08/2009
العمر : 39
ذكر

مُساهمةموضوع: رد: حوار بين النسيب ونسيبته.علي دبوب   الثلاثاء أغسطس 25, 2009 9:23 pm

توا معايا راك عفنتيها .. وماعاد حتا دوتك نبيها

وكان الوليه معاى بترديها .. نبى جوابك مختصر تعطينى

وماهو عليا حملتك ترميها .. وبكل كلمة قاصدا اتهينينى

قوية اختي قمينس ابدعتي في الاختيار وفي انتظار المزيد
الرجوع الى أعلى الصفحة اذهب الى الأسفل
 
حوار بين النسيب ونسيبته.علي دبوب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(())())**مــنتــديــات لــيـبــــيــا اولأ**(())(()) :: الشعر الشعبي و الغناوي و الشتاوي :: قصائد :: قصائد معبرة-
انتقل الى: