(())())**مــنتــديــات لــيـبــــيــا اولأ**(())(())
السلام عليكم

مرحبا بك اخي الزائر

نتمنى منك التسجيل معنا اذا اردت المشاركة

او اذا كنت عضو معنا فتفضل بـ تسجيل الدخول

مع تحيات


إدارة منتديات شباب 17 فبراير



(())())**مــنتــديــات لــيـبــــيــا اولأ**(())(())

منتدى ليبي ... من كافة بقاع الوطن الغالي ...
 
الرئيسيةالبوابةالتسجيلدخول

شاطر | 
 

 شتاوي ليبيه 2013

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
fares
عضو جديد
عضو جديد


المشاركات : 2
تاريخ التسجيل : 22/11/2013
العمر : 18
ذكر

مُساهمةموضوع: شتاوي ليبيه 2013   الجمعة نوفمبر 22, 2013 11:52 am

جروحك يامرهون تمادن ... تقول مفجرهن بن لادن
انا والعين بحد جهدنا .... نبكوا عالمرهون وحدنا
شالت فيك العين نظرها ..... يامرهون أجبر خاطرها
مرهون وصبا قدامي... شال عيونا شل أعظامي
يامرهون اقطع مصدافك ... ياريت الخاطر ماشافك
مرهونين وشوقي فيهم ... خايف مانقدر نطريهم
هو مرهون ونا ماطلتا... وين حقيت أوليده شلتا
ماتشقا بالفاضي كنك ... غيات المرهون خذنك
ديمة المرهون امبكيني وين انجي للنوم ايجيني
مرهونين اكبار ضناهم .. هات العقل اللى ينساهم
نار المرهونين خطيرة .. ماتقتل .. تذهب فى الشيرة
قلنا من المرهون افتكت .. جت للدار العين وتكت
الخاطر في غياب غواليه... انهدي فيه ...اتقول رضيع انزازي بيه
حوسي يا عيني بالعبرة ما ملي كاميه في صدره
عزيز ما دعيت عليه .... ضربته بنيتي الصافية
من سيات عزيز انحسو .. غير اصدار الناس اندسو
يـالـولاف خـذيتـو ا منـى .. نــومى وتقـولـولـى كـــنى
مـانـى طـامـع فـيه انطقـــه .. خلونـى بالعـين انحقه
عندي مرسال مهنيني .. يجري بين عزيز وبين
كان خطر ماني قايل لك---ابكى نين اتفشي غلك
جيك للأوهام مضره .. أنا وقضتك وإنت حره
عينى مضايق خاطرها .. وينك ياجلاى جضرهـا
صعيبـة ننـسى نـاس اقـدم .. غـلاهـم متخـلط بـالـدم
عدت ع المرهـون اتفتـش .. جـابـوهـا فى الراس اتنتــش
غـالـى يـا مرهـون عـلينا .. ديمــا .. يابـال اتلاقـينـا
نا والعـين عـليك خـذينه .. راك اتعـدى وتخـلينا
يا غالى وبيـش ايرضيـك ادموعـى منعميـات علـيـك
كانون المرهون احذاية .. وقتا تلزمني تدفاية
يا درنه حالى كي حالك .. دمعي يذرف كي شلالك
مخليني لولاف اخطاهم .. حتا فى واشوني واهم
النار تقلدها هيزوع .. الا جاها روح مفجوع
مازالو لعزاز اعزاز.. اندارو عركة انجي حزاز
كلاني هفو النار ونا .. اندور في الفازع ما جا
من سطار سطير جروحي .. متملل حتى في روحي
يا مرهون ابرم ساولني .. يا نبرابك يا تقتلني
بالك يا مرهون ظليمة .. واخذ قرعة نومي ديما
صاحب صوب حلف يرجاني.....وين اعبيت عليه رخاني
اللي وجعتني حبل الود ...انمده شور أعزاز يرد
مامن صوب قفل بيبانه...موش امغير عزيز معانا
الخاطر كان غيره ما يجض...جفا والياس وقلة حظ
درت غلا ماعمري درتا...لاكن مسرع ماودرتا
الدنيا موش عليك ابروحك....راه اجروحي كيف اجروحك
سيه ترقد توعا بيها....*قالت دايرها غاليها
طير غلاي اللي دللته .....جاب خبر لولاف قتلته
مامن صوب انقولوا لنا ....كيف بلاش طلعنا منا
ننشد في فسار منامي ....قال ابكي مافيه قسامي
اندير غلا وانبات بلاه ....عليك اقسام الله الله
الرجوع الى أعلى الصفحة اذهب الى الأسفل
 
شتاوي ليبيه 2013
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» الشمس تستيقظ من نوم عميق وتصيب الأرض بأضرار عام 2013
» صور مضحكه 2013

صلاحيات هذا المنتدى:لاتستطيع الرد على المواضيع في هذا المنتدى
(())())**مــنتــديــات لــيـبــــيــا اولأ**(())(()) :: الشعر الشعبي و الغناوي و الشتاوي-
انتقل الى: