فرجاني واعتزبذلك عضو فعال
المشاركات : 102 تاريخ التسجيل : 01/10/2009
| موضوع: غناوي علم وشتاوات الخميس نوفمبر 12, 2009 10:10 am | |
| العـقـــــل ظليمة عليه العقل **** وجرحه جديد مازال خاطري سبايب امراض العقل **** تبع العين والعين ضالة عقلي تأكل فيه العازة *** متبري من نار أعزازه العقل مو كبير أسنين *** مغير يأس لولاف شيبه للعقال نقيم مقام *** وللي سفيه مانديرله عناء عزاء العقل فيك ادموع *** عليك وين ما رايف بكاء مسافر معاك العقل *** رفيق ياعلم راك تتركه مضروب بسيف الشقاء *** العقل لين هدا حالته الــــــعين مالك في الغريب نصيب*** على هلك يالعين عاودي مشاكي العين أقلال *** فزاع مالها غير دمعها ننهى العين عن دكراه ** تقول نبيه لين تنظره ننهاك عن الغني يالعين *** نلقاك فى سريبه تايها العين هدبها مبروم *** على عزيز يامة بكت غلاهم بقى للعين *** خيال ياعلم في نومها الـــــخاطر الخاطر مرابيعه صاف *** ان غابوا ايلاقي غيرهم صابر والكواين فيه *** شديد عزم تاريته خاطري الخاطر من قلة دبار *** ايكبر في نار على نار الخاطر جرحه ما داوه *** على كل اسبيتار رموه الخاطر في اغياب غواليه ** انصبر فيه ** اتقول رضيع انزازي بيه الــــيأس ياس عزيز امعاي داوم *** هو تاوم والتوم يتاوم اليأس مالقاء ماايدير *** لقاء امعاي لولاف شالهم اليأس وين جاء بيموت *** لم اعياله وصاهم علي ذيب اليأس عليا هازي *** في شلاق الصوب ايوازي الله يخرب بيتك يايأس *** اتباعد في ناس على ناس شينك يأس عليا امرسي *** قبل ايموت ضناه اموصي الـــمرهون حي علي كلت ما عندي *** نارك يامرهون فندي نار المرهون المدسوسة*** تسطر كيف سطير السوسة الخاطر من نار المرهون*** ايفز تقول عليه اجنون دعيت عليهم مرهونيين *** ونكره في ايقول امين مرهون لاقسم لاهان *** من الساعة امغالته عوج
الـــــصبر هاك الصبر داوي داك*** احسن عزاك في صاحب غلاء عالصبر ما يلتام *** جرحه جديد مازال خاطري عليك وين راد الله *** انسي عزيز يالعين واصبري الصبر شين وزين *** عليه كان يالعين تقدري الصبر يالعين طيب *** حطيه في معاديل الغلاء الــــجرح مجروحين الجرح انحسوا *** غير اقبال الناس اندسوا ثلاتين ماهن جرح *** ظليل خاطري جاء بينهم الجرح كان طال العظم *** يبقى لين يموت صاحبه خايف العقل ايجول *** يلقى الجرح وايغيب الدواء الــــعزيز عزيز في المنام ايجي *** وفي الارض جوبة ياعلم عزيز اغتني بالغير *** ابكوا امعاي ماليلة هناء عزيز هو ربيع العين *** رفيق عمر ما ينتسا عزيز كان فيه نصيب *** نرجوه رجا طول عمرنا عزيز وقت نوم الناس*** تيقى معاي ناره تدقل الولاف اجرحتي بغلاهم *** ساهل تحسابيه دواهم
تقبولي تحياتي الفرجاني
| |
|