(())())**مــنتــديــات لــيـبــــيــا اولأ**(())(())
السلام عليكم

مرحبا بك اخي الزائر

نتمنى منك التسجيل معنا اذا اردت المشاركة

او اذا كنت عضو معنا فتفضل بـ تسجيل الدخول

مع تحيات


إدارة منتديات شباب 17 فبراير



(())())**مــنتــديــات لــيـبــــيــا اولأ**(())(())

منتدى ليبي ... من كافة بقاع الوطن الغالي ...
 
الرئيسيةالبوابةالتسجيلدخول

شاطر | 
 

 عبدالكافى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النعاس الفرجاني
الـــمـــديــر الـــعـــــام
الـــمـــديــر الـــعـــــام


المشاركات : 233
تاريخ التسجيل : 15/07/2009
العمر : 27
الموقع : ليبيا
ذكر

مُساهمةموضوع: عبدالكافى   الأحد أغسطس 30, 2009 5:34 am

عوض :
واطي فالنار وحاملها ............................ خايف قولة يستاهلها

عبدالكافي :
واطي نار عزيز وخايف .................. من قولة عالدار امرايف

عوض :
اجحود النار القيته راي ........................ هونلي من تشميت اعداي

عبدالكافي:
كان اقدرت اتواري ناره .................... حتى لو ماعد تذاره

عوض :
عزيز اطلق نيران علي ........................ابقيت عديم وبات بري

عبدالكافي :
ياجر العين امداعينا ...................... شور النار اتلذع فينا

عوض :
درتيها ياعين جريمه ........................ حاييتي نيران قديمه

عبدالكافي:
بري لاعقلي لالنظار....................... اشتركن في تكواي النار

عوض :
عزيز كبرها كبرت حر .................. بعد كبرت ناره وخر

عبدالكافي:
راي عطيب كبرتي ناره.................. هلي جن تمويح ادياره

عوض :
ماقتلك من يوم خطاهم .................. طفينا نيران غلاهم

عبدالكافي:
نار غلا مانك قابسه ....................من حاشن مالذع اتحسه

عوض :
ايام شكيتي مالنيران .................. هذكي وان وهضا وان

عبدالكافي:
نار غلاك اخطيت صناها .............. لكن نا قاعد يالاها

عوض :
ماقتلك ياما جضينا .................... غير اليوم اعزوم القينا

عبدالكافي:
كي ننسى مانبقى قايس .............. نار اللي في عقلي حايس

عوض :
مقعدنا عالعين كبيره................. خان عزيز انديروا غيره

عبدالكافي:
كان انسيت عزيز ابسيه ........... نبقي ماني داير غيه

عوض :
من يوما خانوا الغوالي ............. ماوالي ممسوك بوالي

عبدالكافي:
ياناري ياطول اريافك................ غاليت وفارقت اولافك

عوض :
امغير اسمله عالمشتاق................ بعدهم والفنا لفراق

عبدالكافي:
يلي والفتي واعزلتي ................... كيف بلا لولاف احملتي

عوض :
مامن زول احملت افراقه ............... ماني عالولاف الصاقه

عبدالكافي:
هو امس وحالك من حالي................ كيف اتقول انسيت غوالي

عوض :
القينا نا والعين اعزوم ................... هذكي يوم وهذا يوم

عبدالكافي:
يلي قدامي تصدع ........................ نسواك الغاليك اتبدع

عوض :
امغير امتى جيتك شكاي ................. سعته والنيران امعاي

عبدالكافي:
ماكنت اتشاكي عالغالي .................. سداي وقلاع توالي

عوض :
ياما في اللوعه مضت .................... وانسيت المرهون وفضت

عبدالكافي:
سوك راح انسى الغوالي.................. حتى نا ماعندي والي

عوض :
بعد تما خارب مسداك ...................... تعال انسدي ناوياك

عبدالكافي:
ماعندي فالصوب مسايج.................. غياتي تزويق حجايج

_________________
[ندعوك للتسجيل في المنتدى أو التعريف بنفسك لمعاينة هذه الصورة]
,,,,,,,,,,,,,,,,,,,
الرجوع الى أعلى الصفحة اذهب الى الأسفل
http://n8601052.yoo7.com
مرعي الشهوبي
عضو جديد
عضو جديد
avatar

المشاركات : 42
تاريخ التسجيل : 21/08/2009
العمر : 38
ذكر

مُساهمةموضوع: رد: عبدالكافى   الأحد سبتمبر 06, 2009 4:44 am

ابدعت خوي نعاس موضوع حلو

لي عودة باذن الله
الرجوع الى أعلى الصفحة اذهب الى الأسفل
 
عبدالكافى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(())())**مــنتــديــات لــيـبــــيــا اولأ**(())(()) :: الشعر الشعبي و الغناوي و الشتاوي-
انتقل الى: