(())())**مــنتــديــات لــيـبــــيــا اولأ**(())(())
السلام عليكم

مرحبا بك اخي الزائر

نتمنى منك التسجيل معنا اذا اردت المشاركة

او اذا كنت عضو معنا فتفضل بـ تسجيل الدخول

مع تحيات


إدارة منتديات شباب 17 فبراير



(())())**مــنتــديــات لــيـبــــيــا اولأ**(())(())

منتدى ليبي ... من كافة بقاع الوطن الغالي ...
 
الرئيسيةالبوابةالتسجيلدخول

شاطر | 
 

 يالعين هيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النعاس الفرجاني
الـــمـــديــر الـــعـــــام
الـــمـــديــر الـــعـــــام


المشاركات : 233
تاريخ التسجيل : 15/07/2009
العمر : 27
الموقع : ليبيا
ذكر

مُساهمةموضوع: يالعين هيا   السبت أغسطس 29, 2009 5:50 am






(يالعين هيا شوره...العقل حاس واختلطن عليه اموره ... مشكاي قالك)



يالعين نريد انعدي .... العقل قالك غايه مناي وودي.... متضايق ملاجي نين واصل حدي .... ماهناك وين الريح تاخذ دوره


ماهناك شي حاجه السر تهدي .... قول خاطري هالوقت فيت انظوره


انجيه من خبر واجد ونا متكدي....وثقل الجضر لاصق علي ابزوره


ايخف وين مايده اتجي في يدي....ويجلي غشاواتي بفوح اعطوره


ولساني الشاعث فالهاه يندي....وحلو الخبر يسهل علي مروره


وبين ديه نضحك ضحكتي من جدي....وعنده جرب كبدي يطيح قشوره


في عينه الريح معاي والا ضدي....نقراها قرا براج في بلوره


ويالعين لاعد مالطريق تردي....ماهن سوا رقو الجبل وحدوره



*

*

يالعين راحي بينا....وخفي علي لولاف لاتبطينا


ماهناك شي عاقل يلوم علينا....ان قلنا الجوله عالعزازضروره


كلام العرب بلحيل مايعنينا ....خلهم يقولوا هالعين فجوره


نواروا اللوعه مانهار نوينا....قويه تفنص عينها مقروره


سوا عاد زينه كان والله شينه....ترفرف علي باب العلل منشوره


وما سمعت وين اللي الشمس بعينا....وزومة الرعد فالغيم مي مستوره


حتى والزمان ديار نازل فينا....وعنده دمانا فالغلا مهدوره


الا نوهي عالصوب ماوانينا....العين فيه بالضلعه تجي مجروره


وهي كل يوم تقول ياناسينا....وكل دار فيها طالقه ثغبوره




*


*





يالعين كيف الدوه....اللي مازلتي قاعده لاتوه


عندي العقل مدكمس وحايس جوه....واسق سماه وضايقات احبوره


متحين علي بارق ويفقص نوه....امخلي براقين الهوادي عوره


اخذيه كنيبه بها يتروه....شوفت اللي حالق عليك اخطوره


حتى من بعيد لبو جبين اضوه....يسد لنظر للطير كيف نقوره


قدامك علي نار الغلا يطوه....وليل ونهار مسمرك بسموره


يروف نين من حاله عليه عدوه....اللي كل مره حاترات اشروره


وربيع الغلا ياريت ياخذ سوه....علي ماجراله ماطرد لخضوره


*


*





يالعين علمي ضايق....ودوج العرب يالاي ماني طايق


يقولن اللي منحساب عتايق....ليام عالعدام مجبرات كسوره


وحل فالزمان ودين هالخلايق....الي كل ساعه جايين بصوره


صغار النفوس اللي خياهم تايق....مايطعموا مسكين يوم عاشوره


ان قالواكلام يزيفوا الحقايق....واصواتهم علي درب الظلال جهوره


واللي تمتسك منهم عليه سرايق....فيهم ترفرف رايتا منصوره


وهو دوم عالنهبه زناده سايق.....ولاتفت منه غفل لامعقوره


والطيب يلاقي فالطريق عوايق....منهم وديمه زلته منظوره


ان قصر لسنتهم عليه طلايق....ولا ان دار زينه عندهم مذكوره


وقول الحقيقه تم موعدلايق....منه عرب كيف الصيود نفوره


عندي العقل يدوي مولوالي فايق....وان طول اسماه اللي خرج عن طوره


وبالك الا لاخير فاللي رايق....بلا نار حمره ماتفوح بخوره


*


*





يالعين شور الغالي....خذي العقل كنيبه اسا يصفالي


علي شان كثرت هالدروب قبالي....ايغيب علي ونانريد احضوره


ابقيت بطرا ليام كي التسالي....بينهن تقول يطاوحن في كوره


ونا قبل كنت بكيد روز اثقالي....فيهن وديمه صابتي موفوره


ولايغربي فيها بكا القبالي....وشيل السراب وطرشقة لمهوره


ولاتو يوازي فالخبر غربالي....كلامي قليل وسيتي محجوره


ولانعيب في عمي ولافي خالي....ولاصاحبي نجرح نهار اشعوره


امغير ماقدرت اني نوسع بالي....ان كبرت السيه في مي مغفوره


ولاقدرت نشبه بالنخيل افعالي....اللي بحيط لمحادف تطيح تموره


الا يالعين عزيز موكي والي...ومهما يدير نقول زينك دوره


*


*





(يالعين هيا شوره...العقل حاس واختلطن عليه اموره ... مشكاي قالك)

_________________
[ندعوك للتسجيل في المنتدى أو التعريف بنفسك لمعاينة هذه الصورة]
,,,,,,,,,,,,,,,,,,,
الرجوع الى أعلى الصفحة اذهب الى الأسفل
http://n8601052.yoo7.com
مرعي الشهوبي
عضو جديد
عضو جديد
avatar

المشاركات : 42
تاريخ التسجيل : 21/08/2009
العمر : 38
ذكر

مُساهمةموضوع: رد: يالعين هيا   الأحد أغسطس 30, 2009 3:03 am

تسلم خوي النعاس قصيدة رائعة

ويسلم الشاعر حميد السعيطي

لك مني جزيل الشكر
الرجوع الى أعلى الصفحة اذهب الى الأسفل
صقع قمينس
مشرف قسم اتصاميم
avatar

المشاركات : 95
تاريخ التسجيل : 02/09/2009
العمر : 26
ذكر

مُساهمةموضوع: رد: يالعين هيا   الجمعة يناير 29, 2010 4:19 am

قوى قوى قوى قوى

ابجد عل فاهق من غادى
الرجوع الى أعلى الصفحة اذهب الى الأسفل
 
يالعين هيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(())())**مــنتــديــات لــيـبــــيــا اولأ**(())(()) :: الشعر الشعبي و الغناوي و الشتاوي :: قصائد :: قصائد معبرة-
انتقل الى: